Aratosteetan Udalarekin batera Astixak antolatuko dituen ekintzen berri ematera gatoz!

EGUEN ZURI (otsailak 4): Tailer ezberdinak egongo dira Untzagako karpan. Karetak eta apaingarriak egin eta aurpegia margotzeko aukera izango duzue. 17:00etatik 19:00ak arte bertan izango gara Lisker taldeak jende guztia dantzan ipintzen duen bitartean.

ARATOSTEETAKO MARTITZENA (otsailak 9): Jolas ezberdinak burutuko ditugu eta Sardina Txikiaren entierroarekin amaiera emango diegu iñauteriei. 17:00etan jolasak hasiko dira eta 18:15 aldera, Toribio Etxeberria kaletik Sardinarekin kalejira egingo dugu. Alargunez jantzi eta parte hartzera gonbidatzen zaituztegu.